Bakit nakalabas ang brief ni Superman? Sana masagutan mo ang tanong ko na matagal na bumabagabag sa isipan ko.

Tanong mula kay Jas

Ang Sagot

Naku, talaga namang "bumabagabag" pa ang term na ginamit. tsk tsk tsk. di ka naman nagka insomnia dahil dito? Kung alam lang sana ni Superman na nakakapagpabagabag ang pag-susuot nya ng brief sa labas ng hapit na pantalon... Ang malupit pa nito mga mambabasa, nakuha pang magsuot ng dilaw na sinturon pagkatapos mag suot ng brief sa labas!!! Ang lakas ng tama eh!! Dapat siguro dito kay Pareng clark eh gawing honorary member ng Talkph at libre ang kanyang pagiging premium member dahil sa lakas ng trip nya.

Isa pa, nagtataka rin ako, Diba sya ay isang Alien, galing sya sa Krypton? pero pwede sya mag stay sa America, samantalang ang dami nating mga kababayan na hinuhuli pag over staying na sa US. Illegal Alien daw sila. eh taga earth naman sila. Samantalang si Superman na totoong Alien dahil galing sya sa Krypton, binigyan pa nila ng American name na Clark, at may disenteng trabaho huh?!

Well, Maiuugnay natin ang pag susuot nya ng brief sa labas at ang kulay na pinili nya, yung kulay pula sa maraming bagay. tulad ng dati, di ko na masyadong pahahabain, maraming nagsasabi na nagla-loving -loving sila ni darna este ni wonderwoman nang may biglang humingi ng tulong sa kanya, kaya sa kamamadali, nasuot nya yung pantalon bago ang brief, para hindi daw mahalata ng mga kasamahan sa hall of justice, ginagawa na nya ito simula noon, para sabihin na style nya daw talaga yun.

Pero ang mas tiyak ko, may kinalaman ito sa mga fans nyang may paghanga sa kanya, ang mga manananggal,(para sa mas malalim na impormasyon sa manananggal, tignan ang luma kong post sa blog na ito tungkol sa manananggal.) dati kasi, nahihirapan si Superman sa misyon nya, dahil pag lipad nya, sasabyan sya ng mga karengkeng na mga manananggal at nawawala ang pagka conservative ng mga ito pag nakakakita ng Kano na lumilipad, so sa kalawakan, nagpapa autograph sila at picture taking, patay na yung tutulungan ni Superman bago pa makarating. kumunsulta sya sa isang manghuhula sa Baklaran, sabi sa kanya, mag suot ng pula para hindi malapitan, at yun na nga, naghanap nya ng pulang brief sa baklaran at sinuot nya, simula noon, hindi na sya malapitan ng mga Talanding manananggal dahil takot sila sa kulay pula.