OK lang...

Kamusta? tanong ng kaibigan na matagal na hindi nakita at nakasalubong mo sa daan, sa palengke, sa mall. nakasabay sa bus. Ok lang-yan naman ang isasagot. casual, payak, maikling sagot sa nagtanong sayo.

Pero sa kabila ng mga matipid na suklian ng tingin at ngiti, napakalalim ng sagot na OK lang. sagot ito ng isang nanay na nakasalubong mo sa palengke na pabili ng gamot para sa may sakit na anak na naghihintay sa bahay. Ok lang, sagot sayo ng isang tatay na nakasabay mo sa jeep na nagmamadaling umuwi para iabot sa maybahay ang sweldo na kahit nag overtime na ay kukulangin parin. Ok lang... sagot ito sayo ng isang nag-aaral sa kolehiyo na nakasalubong mo nang kamustahin mo kahit na di alam pano ipapaliwanag sa mga magulang na may bagsak syang subject. Ok lang ang sagot sayo ng isang dating ka klase na luhaan ang pusong nasaktan at may problema sa kanyang minamahal. Ok lang...

Ganun nating mga Pilipino i-describe ang buhay, Ok lang. Ganun natin isalarawan ang buhay nating puno ng pagsubok. Ganun kung pano natin tignan ang kasalukuyang kalalagayan natin. Ano man ang dinaranas, Hirap, karamdaman, Kakapusan sa salapi, problema sa relasyon sa mahal sa buhay, sa eskwela, sa trabaho o sa bahay. Ok lang. Dahil ano pa man ang dumarating at darating, para sa Pinoy ang buhay ay Ok lang!

So, kamusta ka kaibigan?

-Trail po ito. sana ay ok ka lang.